女仔應該好怕喺男仔對面食漢堡包，因為要張到個口咁大，又會食到一面都係茄汁、肉汁、沙律醬，咁核凸點算好？又無理由為咗保持儀態而帶刀叉去食呢！
有見及此，日本FreshnessBurger就好貼心咁推出咗一款漢堡紙，漢堡紙正面印住一個微笑女仔嘅樣子，又夠大張，咁無論你食到幾咁激烈，係前方嘅人都只係會見到一個微笑嘅女仔，保住你靚靚形象。不過話時話，都應該要推出埋男仔款式，男仔都要講儀態呢！