自從意大利喺世界杯出局，教練雲杜拿被炒之後，國家隊教練一職一直懸空。以資歷同經驗睇，執教過皇馬、拜仁，巴黎等大球會嘅安察洛堤當然係大熱。不過，肥安最近接受訪問，就表示意大利足總已經聯絡過佢，但佢亦已經拒絕咗。

肥安喺出席意大利廣播電視嘅節目中提起呢件事，佢好高興大家都認為佢喺合適人選，不過出任國家隊教練同球會教練係截然不同嘅體驗，佢仍然好享受球會嘅工作模式。咁如果係佢曾經教過嘅AC米蘭或者祖雲達斯向佢招手呢？肥安就話佢同拜仁嘅合約關係去到下年6月尾先正式完，出於尊重，佢會到時先再作決定。

另外，喺節目入面，肥安亦提到意大利足球要改善嘅地方，例如意大利足總應該搞好同球會之間嘅關係，扭轉依家意大利足壇嘅亂局，仲提議意甲球隊數目應該由20隊降到18隊。

----------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM