【短片】【唔係嘛﹗咁詭異？】苟芸慧廣東話唔正《情逆三世緣》要「被配音」
蘋果日報 2013/08/14 06:00
苟芸慧情逆三世緣
苟芸慧廣東話唔太純正，要搵配音員幫佢配音。（電視截圖）- 苟芸慧（左）反串都幾好睇啵。（電視截圖）
- 畀飾演展昭嘅袁偉豪推落地。（電視截圖）
- 關詠荷見狀即上前扶起。（電視截圖）
- 歐陽震華因穿越時空，變咗包青天。（電視截圖）
- 以為見到「未婚妻」，即時失控攬攬。（電視截圖）
- 嚇死韓霜霜（電視截圖）
- 一巴摑埋去（電視截圖）
- 班手下以為佢又鬼上身（電視截圖）
- 索性剃晒鬚，等「未婚妻」再認清楚。（電視截圖）
- 韓霜霜以為呢個包大人係假扮。（電視截圖）
華姐出身嘅苟芸慧（苟姑娘）加入娛樂圈後，就已經備受力捧，劇集一部接一部，好似《怒火街頭2》﹑《法網狙擊》﹑《金枝慾孽貳》《仁心解碼II》及《情逆三世緣》等。
奈何苟姑娘嘅半鹹淡廣東話，有時都幾礙耳，聽得頗辛苦，甚至要追睇字幕先知佢講乜。好似去年《怒火街頭2》咁，苟姑娘同金剛﹑賈曉晨及岑麗香，就被封為「鄉音四人組」，有網民話點解唔搵個配音畀佢哋喎。
唔知係咪TVB真係「聽取民意」，定真係怕觀眾聽得辛苦，所以苟姑娘喺新劇《情逆三世緣》內，真係要「被配音」喇，不過問題係苟姑娘之前咁多部劇，都唔需要配音，但唔知點解今次要喎，唔通佢拍呢部劇時，唸對白真係唸得咁差？
苟姑娘喺劇內飾演「趙盼」一角，同飾演展昭嘅袁偉豪相戀。噚晚嗰集苟姑娘反串出場，當佢開口講嘢時，咦﹗出奇地「字正腔圓」，但再聽真少少，先發現原來唔係佢本人把聲，而係配咗音呀，據悉該配音員叫做黃昕瑜，難怪啲對白講得咁流暢順耳啦。
另外，歐陽震華同關詠荷呢對收視福將，喺新劇內繼續擦出火花。劇情講到袁金昌（歐陽震華飾）穿越時空返咗宋代，變咗包青天，喺開封府赫然見到「未婚妻」楊夕雪（關詠荷飾），不過其實呢位「未婚妻」係一名御醫，名叫韓霜霜，當包拯見到「未婚妻」後，同樣以為佢係穿越時空，齊齊喺宋代重遇，於是佢就失控咁喺公堂上攬實對方，結果被換來一大巴掌，韓霜霜鬧爆佢失心瘋及鬼迷心竅，甚至思疑佢係咪假扮包拯，場面諧趣。
奈何苟姑娘嘅半鹹淡廣東話，有時都幾礙耳，聽得頗辛苦，甚至要追睇字幕先知佢講乜。好似去年《怒火街頭2》咁，苟姑娘同金剛﹑賈曉晨及岑麗香，就被封為「鄉音四人組」，有網民話點解唔搵個配音畀佢哋喎。
唔知係咪TVB真係「聽取民意」，定真係怕觀眾聽得辛苦，所以苟姑娘喺新劇《情逆三世緣》內，真係要「被配音」喇，不過問題係苟姑娘之前咁多部劇，都唔需要配音，但唔知點解今次要喎，唔通佢拍呢部劇時，唸對白真係唸得咁差？
苟姑娘喺劇內飾演「趙盼」一角，同飾演展昭嘅袁偉豪相戀。噚晚嗰集苟姑娘反串出場，當佢開口講嘢時，咦﹗出奇地「字正腔圓」，但再聽真少少，先發現原來唔係佢本人把聲，而係配咗音呀，據悉該配音員叫做黃昕瑜，難怪啲對白講得咁流暢順耳啦。
另外，歐陽震華同關詠荷呢對收視福將，喺新劇內繼續擦出火花。劇情講到袁金昌（歐陽震華飾）穿越時空返咗宋代，變咗包青天，喺開封府赫然見到「未婚妻」楊夕雪（關詠荷飾），不過其實呢位「未婚妻」係一名御醫，名叫韓霜霜，當包拯見到「未婚妻」後，同樣以為佢係穿越時空，齊齊喺宋代重遇，於是佢就失控咁喺公堂上攬實對方，結果被換來一大巴掌，韓霜霜鬧爆佢失心瘋及鬼迷心竅，甚至思疑佢係咪假扮包拯，場面諧趣。