當年今日
關於我們

【DaDa退出幕前】 失蹤DaDa自殘?施念慈:唔好玩到咁大!

蘋果日報 2013/08/09 06:00

退出dada陳靜情緒病ECup超蓮曾善美MeiMeiAsamika

DaDa話自己「基於情緒病及心理狀況醫生建議我停止所有手頭上有關幕前的工作」,又人間蒸發,經理人施念慈搵唔到佢,自稱好友嘅CeliaK.收到佢一個「noworry」嘅短訊後都失去聯絡,話14歲就識DaDa嘅師妹MeiMei都話搵唔到佢。

因為DaDa今朝喺微博都有話,希望重過平凡生活、「有個愛我又只屬於我的男人」,令人懷疑佢已搵到真愛上岸;但噚晚DaDa又話「家庭、情緒、健康和感情問題,讓我下了這決定……」,令人擔心佢唔知係當上小三、定係感情真係出咗問題。

今日施念慈出席活動時,表示唔知DaDa情緒病,亦唔知是否與失戀有關。問到可擔心失蹤DaDa會自殺,施念慈話:「唔會啩,唔好玩到咁大。」

至於有冇說話想隔空同DaDa講?施念慈話:「咁大個人,有責任心自己會搵我哋。」又謂未來幾日仍會如常發工作通告給DaDa,但唔會到訪其家,亦唔會聯絡佢屋企人。