噚晚賀歲電影《西遊記之孫悟空三打白骨精》喺時代廣場舉行慈善首映禮，羅仲謙今次喺戲中演「沙僧」，笑言每一日都著住肌肉衫，問到佢點解o依家都係咁瘦，佢就話因為男人要做宣傳，要出嚟「跑江湖」，要注重自己嘅工作，問佢係唔係被女友楊怡吸乾，佢笑笑口稱：「唔係!」佢又指要拎Kelly張poster貼喺屋企。

另外，演「觀音」嘅Kelly，就話自己於戲中喺雲上飄來飄去，佢笑言：「電影公司set咗個雲嘅天空畀佢行，最重要係靚就得。」問佢帶唔帶兩個仔嚟睇，Kelly指自己要先睇吓有咩細路仔睇先。」咁今次演戲係唔係都係冇乜對手，Kelly稱：「今次已經好好，有城城畀我對住嚟演，喺第一集係完全冇人過囉!」