【賽事走勢】想唔想贏錢?先問自己所揀騎師係咪姓潘!
潘頓搶風頭大四喜潘明輝父親節賽日
今日(18日)為沙田父親節賽日,草地賽少有咁掛牌好地至黏地。馬會因天氣問題,並不會進行壓地,所以相信場地會越跑越爛。
頭五場四草一泥賽事已跑完,全部共五場頭馬都係四檔之內,分別為頭場4檔「旺蝦王」、二場3檔「友瑩采」、三場1檔「海嵐一號」、四場2檔「曾幾何時」(泥地)及五場3檔「友誼之星」,明顯今日不論泥、草賽事,走勢極利內欄馬匹,唔揀內檔馬絕對同自己荷包過意唔去。
騎師方面,自「文藝學家」爭議事件出現後,主角潘頓大打認真波,試圖挽回聲譽,結果他繼上周日(11日)中三元後,呢位前冠軍騎師今日繼續搶晒風頭。跑完頭五場,除咗第三場頭馬「海嵐一號」由潘明輝贏外,潘頓已食出大四喜,響父親節為自己送上禮物,亦換言之頭五場全由姓潘騎師勝出。