就讀大學二年級的阿菁，因為成績優異，今年獲香港聾人福利會獎學金贊助，購買一部助聽器。惟早前她遺失了耳機，生活貧困的李父，無力購買給她，經報道後，即接獲讀者捐款助其購買價值一萬六千多元的全數碼助聽器，日前笑容滿臉的阿菁向記者展示其新耳機。

「得到咁多人嘅資助同埋疼錫，感到好意外，我真係好開心同埋好感動，冇諗過咁短時間就籌到呢筆錢，新嘅助聽器收音好清楚，對我幫助好大，以前同屋企人傾偈，要好大聲先聽到，𠵱家佢哋喺我背後講嘢，我都聽到晒，有時甚至連自己嘅腳步聲都聽到。」二十歲患有深度弱聽的李菁興奮地說。
阿菁一歲半時因為發高燒，得不到適當的醫治，導致其嚴重失聰。她有一名妹妹，暑假後升讀小學六年級。五十一歲的李父任職保安員，月入五千多元，其妻子原在酒樓任職侍應，惟去年公司裁員，失業至今，一家四口的生活開支由其父獨力承擔，生活捉襟見肘，無力購買一萬多元的助聽器。
「好感激讀者嘅捐款，若果冇咗部耳機佢都唔知點樣讀書，𠵱家真係減輕咗好多負擔；喺阿菁部機壞咗嘅時候，好多謝聾人福利中心借部耳機畀佢用住先，等佢可以繼續同人溝通。」李父由衷地表示。