直布羅陀足球隊主場贏波喇！可能你會問，贏波有咩值得講呀？事關呢場主場贏拉脫維亞嘅友誼賽，係直布羅陀足球隊成立以來，第一次喺國際賽主場贏波咋！

呢個人口得三萬，仲少過太古城居民嘅英國殖民地，由2016年開始加入國際足協，一直都喺世界排名包艇。不過，周一佢哋同世界排名131位嘅拉脫維亞友賽，憑住效力英乙諾士郡的利安獲加88分鐘主射罰球，省中人牆改變方向入網，成功以1:0擊敗對手。而利安獲加亦以三個入球，成為國家隊頭號射手。雖然直布羅陀喺2014贏馬爾他，不過個場波喺葡萄牙踢，今次係真正喺直布羅陀新主場贏波，仲要喺國際足協承認嘅A級賽事，可喜可賀！

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM