肥媽老公Rick 3年前患上末期肺腺癌 花費逾600萬治療費
肥媽謝嘉怡Bob
肥媽Maria Cordero、李家鼎、林盛斌(Bob)黎諾懿等今日在電視城為煮食節目錄影,肥媽老公Rick 3年前患上末期肺腺癌,8月時因肺炎和血管閉塞留醫一段時間,肥媽透露老公的治療費超過600萬元,但情況仍不是太理想,肥媽說:「出入醫院好幾次,因為做完電療就需要時間休息,佢每日都要瞓好多,起居飲食、去洗手間都要人照顧,雖然有看護喺屋企,但佢每次都叫老婆。」
肥媽為謝嘉怡(Lisa)擔任港姐提名人,結果謝嘉怡奪冠,但是非不斷,除早前被指是裸照女主角,做直播節目又疑似不慎爆粗;肥媽爆謝嘉怡曾哭着向她求助,肥媽要加以安慰:「有人將個脫衣舞孃嘅相拼落佢度,我教佢答人:『我邊有人咁好身材』,我同Lisa講,紅咗就乜都關你事,放個屁臭唔臭都有人講,人唔紅,你喺地上除衫都冇人影你。」
另外,Bob旗下藝人蔡宛珊(Sarika)早前被指戀上紋身師Dust Wu(胡仔),由於胡仔與台灣藝人林家璜未正式離婚,Sarika被指是第三者。Bob表示有向Sarika了解,亦相信對方懂得處理:「我冇問太多,最重要係全部嘢清清楚楚,唔好破壞人哋家庭。佢同我講同嗰個男人一齊嘅時候,對方已經同太太搞緊離婚。」
-----------------------------
-----------------------------