【新增動新聞】
去年6月，75歲的朱婆婆將拾荒得來的紙皮交予菲傭時收到$1，被食環署票控阻街及無牌販賣，引起社會嘩然後獲撤控。事隔1年，署方再出手票控擺街的婆婆。綜合現場消息，79歲的吳婆婆昨晚（29日）在深水埗桂林街擺賣時，遭署方票控，其間被至少15名警察包圍。婆婆堅拒離開，亦拒絕送院，結果哭着被警員抬上警車。有警員對婆婆嘲諷：「如果個個好似你咁就好呀，警察唔使做嘢架喇」，亦有警員激動斥責批評的途人：「係咪80歲犯法都得呀而家？我就問你！」

本身是深水埗街坊的香港野豬關注組幹事黃豪賢（Roni Wong）在facebook發帖，指自己昨晚8時許經過深水埗桂林街，目睹其朋友吳婆婆被3名食環署人員票控「非法擺賣」雜物，並遭至少15名警察包圍。在黃上載的片段中，他問食環人員：「依家（婆婆）就收番埋啲嘢，係咪依家你仍然要檢控佢，可唔可以畀個生路佢？人哋都係搵兩餐飯食啫」。

食環人員向他解釋：「唔係我哋畀唔畀個生路呀，我哋今日係一個（執法）行動嚟嘅，如果見到某個人（違法）係不需要警告，就要票控佢㗎啦，因為我哋呢個行動係一致性㗎，唔係我哋唔想放生佢」。黃欲追問食環人員，但被在旁的警員打斷，反問黃既然自稱深水埗街坊，「都應該留意到我哋深水埗有啲咩問題，我哋要關注㗎？……會唔會係一啲非法擺賣嘅小販呀？」

黃一邊拍片，一邊向圍觀的街坊交代現況，但該名警員反指他「不如了解咗件事先啦先生」，另一警員亦質疑他「見唔見到整個過程？」但又謂「我有冇必要話畀你知？因為我執緊法嘅」，更稱黃「當其時係有（阻住警方）嘅」。

其後有警員向婆婆表示：「得！婆婆，依家你唔肯畀地址我哋呀嘛係咪？咁我哋同你返差館協助調查」，並指黃既然自稱是婆婆的朋友和街坊，要他勸婆婆自行上警車，惹來黃不滿：「我職責唔係勸婆婆上車㗎嘛」，後來另一警員向他解釋是「搞錯咗」。從片段所見，有警員勸婆婆上警車時，叫她「唔好再任性啦」。

黃再追問食環人員為何帶走婆婆，對方未有回應，反而有在場的執法人員語帶激動向黃喝道：「如果你唔清楚，麻煩等我哋做完件事先得唔得？我哋做緊嘢嘅依家！你唔知頭唔知路」。其後有警員終願意上前告訴黃：「婆婆非法擺賣」，但反斥黃「依家煽動緊啲街坊圍觀，唔該你檢點下自己，好冇？」

黃繼續拍片講述現況時，在婆婆附近的一名警員似乎不滿黃的旁述，突然轉身，語帶激動地對黃說：「如果（你）唔知呢，我勸你不如唔好亂講喇」，雖然有同袍介入勸阻他，但他似乎情緒失控，走近黃斥責：「係咪80歲犯法都得呀依家？我就問你！我哋依家處理緊職務㗎唔該！」要再由另一同袍介入勸阻他。

黃在帖文續稱，到場的醫護人員亦有勸婆婆上救護車，但同遭拒絕。而婆婆一直默不作聲，坐於原地，低頭緊握她的貨品。擾釀近30分鐘後，婆婆最終哭着被抬上警車，其間有警員對婆婆嘲諷：「如果個個好似你咁就好呀，警察唔使做嘢架喇」，又喝止婆婆別再掙扎：「唔好撐！唔好撐！阿婆！唔好郁手郁腳！阿婆唔好撐！……你唔好踢呀阿婆！踢到我呀知唔知呀！」而警車上一直傳出婆婆的哭泣聲。

黃又表示，婆婆被捕時，遭十多名警員一直包圍，有些更列隊排開，途人難以拍攝婆婆如何被抬和推上警車。黃其後更新帖文，指吳婆婆來電告訴他，食環人員不但毫無警告下，充公其貨品，有警員帶走她時，更用手打她的腳和腰，粗暴地推她上警車。

警方發言人回覆《蘋果》查詢時指，警方應相關部門要求，昨晚到深水埗「協助他們的執法行動」，其間一名79歲女子未能向相關部門職員提供其住址，以作票控之用，警方遂協助相關部門職員，把該名女子「帶回警署」，但並無拘捕她。此外，由於在場有多達50人圍觀，警方遂加派人手到場，「作出人群管制措施，確保社會安寧」。

食環署發言人表示，食環署小販事務隊昨晚在深水埗桂林街一帶的無牌擺賣黑點採取執法行動。期間署方人員向一名無牌擺賣物品在街道造成阻礙的年長女士先後作出多次口頭警告，惟其拒絕離開。在警方協助下，食環署人員在取得女士的個人資料後以傳票方式檢控其阻街。