隔牆有耳：不滿立會頻點人數 譚耀宗「爆seed」大罵
禮義廉盛產 爆粗黨友 - 李八方
蘋果日報 2014/07/03 00:00
如果叫民建聯做「爆粗黨」，「肯肯定」無錯。皆因民建聯由大嘅律師到議員甚至黨主席，似乎都有鋪粗口癮。
話說人力慢必同陳偉業加上范國威，噚日猛喺立法會響鐘點人數，全日響鐘近廿次；有啲泛民就算私下有微言都唔出聲，但民建聯黨魁譚耀宗爆seed發火，當范國威響鐘叫議員返回會議廳時疑似爆粗大罵：「嘥lun晒啲時間！」
同樣來自民建聯嘅大狀馬恩國，上年率先喺立法會會議上用「You are not even a f××king Chinese」等英文粗口辱罵長毛。身為立法會議員嘅Tree根就試過話狼振英管治「肯肯定」有問題，一時成為佳話。
估唔到連譚耀宗都激到爆seed。噚日大會上，正當佢匯報緊政制事務委員會報名時，點知范國威又響鐘點人數，譚耀宗即時疑似爆粗大罵：「你真係嘥lun晒啲議會時間！」由於「嘥」同「晒」字之間多咗個音節，有網民話佢爆粗，譚耀宗堅持只係「lur脷」，唔係講粗口，仲話網上好多嘢都係假喎。
話說人力慢必同陳偉業加上范國威，噚日猛喺立法會響鐘點人數，全日響鐘近廿次；有啲泛民就算私下有微言都唔出聲，但民建聯黨魁譚耀宗爆seed發火，當范國威響鐘叫議員返回會議廳時疑似爆粗大罵：「嘥lun晒啲時間！」
同樣來自民建聯嘅大狀馬恩國，上年率先喺立法會會議上用「You are not even a f××king Chinese」等英文粗口辱罵長毛。身為立法會議員嘅Tree根就試過話狼振英管治「肯肯定」有問題，一時成為佳話。
估唔到連譚耀宗都激到爆seed。噚日大會上，正當佢匯報緊政制事務委員會報名時，點知范國威又響鐘點人數，譚耀宗即時疑似爆粗大罵：「你真係嘥lun晒啲議會時間！」由於「嘥」同「晒」字之間多咗個音節，有網民話佢爆粗，譚耀宗堅持只係「lur脷」，唔係講粗口，仲話網上好多嘢都係假喎。
張華峰冇飯食腳軟難攙扶
最終經過7小時瘋狂響鐘，立法會喺6點零因為法定人數不足流會，建制派當然例牌譴責。查實佢哋一直不滿點人數，經民聯林健鋒一度話身形龐大嘅黨友張華峰，如果冇飯食會腳軟，一旦跌倒仲難以攙扶。
新民黨田北辰又話基於人道立場，主席曾鈺成應休會讓議員食飯。曾鈺成只係話，議員應用自己嘅智慧安排用膳時間，仲話毋須擔心張華峰情況，因為睇嚟佢身體好過林健鋒。
新民黨田北辰又話基於人道立場，主席曾鈺成應休會讓議員食飯。曾鈺成只係話，議員應用自己嘅智慧安排用膳時間，仲話毋須擔心張華峰情況，因為睇嚟佢身體好過林健鋒。