【亂噏24】吳君如孭飛的電影《金雞sss》將於賀歲檔期上映，她早前聯同導演鄒凱光（灘叔）錄影節目《亂噏24》，平日嬉皮笑臉的兩人當遇上黎智英和蔡瀾，竟談到嚴肅的生死話題來。節目今日起至周五每日播出兩集，讀者可於《蘋果動新聞》網頁觀看，亦可登入 http://bit.ly/appletalk24重溫，足本版於周四晚11時播出。
現年48歲的君如，在影圈打滾30年，拍過逾百部電影，甚麼人都遇過，甚麼美食都試過，她認為是時候思考如何度過下半生。灘叔最了解君如，他說：「我話你要試一個新階段，咁佢真係點頭點腦。譬如佢以前喺電影入面要做主角，𠵱家就下放咗好多位畀其他人上位。」

君如認為少年得志容易，如何在餘生活得精采才是困難。蔡瀾認同：「梗係啦，你去到最後都會諗點樣死好啲。」君如笑稱日日都想過自己怎樣死，以前做電台節目，亦曾想過在笑聲中離開。蔡瀾認為人總有一死，但如何死得「乾淨」，不累及身邊人才是最重要。君如說：「我𠵱家48歲，去到我退休起碼都有廿年，我點樣過呢廿年好緊要，唔想每日都行屍走肉。我喺度諗，係咪需要……」蔡瀾搶着說：「多一個男朋友？」即引起哄堂大笑。
撰文：馮國康