【翻chok史…】霆鋒Joey踩枱齊跌 網民笑摺枱像威化般乾脆
容祖兒謝霆鋒YumikoMAGGIEMandy3t舊事
型到盡頭便是……呢期好紅嘅謝霆鋒,成為網民討論嘅「焦點」,連續兩日被高登瓊姐「點燈」,之前研究佢喺大陸節目《十二道鋒味》獨特「秘技」(新聞連結: http://bit.ly/2niJBal ),用微波爐叮溶朱古力、喺碟嘢食前面鋸齒刀添加「鐵質」、焗好熱辣辣嘅蛋糕唔使攤凍,即入雪櫃(新聞連結: http://bit.ly/2nD2ZQl )。
今次高登瓊姐就講霆鋒「chok功」史,轉貼《蘋果》2003年有關霆鋒型到受傷嘅報道,當時謝霆鋒同容祖兒及3T出席簽名會。
其間霆鋒拖祖兒企喺簽名桌上同觀眾揮手道別,霆鋒擔心後排觀眾睇唔到,跳上簽名桌,又伸手拖祖兒上去,點知失平衡(定係兩人體重加埋張枱根本承受唔起?)結果張張枱連枱布冧咗,霆鋒屁股著地,祖兒好快企番起身。
霆鋒Chok慣0架嘛,今次咁樣……都算係自己攞嚟,仲好鬼狼狽兼尷尬,最後仲要近8位工作人員,係8位工作人員扶起佢。當時霆鋒以笑遮醜,仲笑笑口賴祖兒:「我企高都冇事,係祖兒重咋嘛,我冇俾夾親,係一邊腳爛!」(新聞連結: http://bit.ly/2ooTAMc )搞到連3T成員Yumiko、Maggie及Mandy都忍唔住係咁笑。及後霆鋒得悉祖兒呻話首次同佢合辦簽名會就「搞成咁」,霆鋒即面色一沉:「下次唔好搞!」
網民對於呢件舊事,就留言「chok係要chok到世界盡頭」、「關家姐系列,X到唔敢睇」、「張摺枱就像威化般乾脆」及「唔笑先驚」,亦有網民突破盲點,「Mandy都俾人影到咁嘅樣,蘋果照妖鏡好恐怖」。
網民轉貼霆鋒《蘋果》2003年有關霆鋒「型到受傷」報道
其實霆鋒一向free style,新城勁爆頒獎禮2001記者會,表演「海棠春睡」…