做得職業足球員，精力真係充沛啲！曼聯喺足總盃加時2:1反勝水晶宮封王，班球員喺更衣室慶祝完仲有下場！

紅魔鬼雖然贏咗足總盃，但隨即傳出雲高爾冇得留低，前車路士領隊摩連奴會做新魔君，球會地震，但眾魔兵懶理，玩咗先算，唔少人仲拖埋女士去夜蒲㖭。有舒尼達連啦、「爆炸頭」費蘭尼啦、贊奴沙啦同埋安東尼馬迪爾等，英國《每日郵報》話，佢哋夜蒲至凌晨4點先返酒店。不過最搞笑係馬迪爾囉，夜蒲都要食珍寶珠(好似係，除非唔係)。