美息減到接近零，華爾街股市前晚臨完場前大幅抽升，港股昨日高開，但升至15500水平沽盤增加，大市最後收報15460，仍升330點，成交增加至564億元。
港股收市後，標普期指跌幅擴大，反映美股急升後可能會有回吐，儘管美國減息減到好盡，但係美國經濟仲係有排救。
全世界都睇淡美元，礦產資源股因而大炒，亦係對正炒家胃口。各國狂印鈔票救市，貨幣價值冇人再信，鈔票唔「值錢」，所以有人鍾意「磚頭」保值，寧願買物業；家陣市場有些人將礦產資源等同「磚頭」咁睇，因為石油、煤炭、有色金屬在現今世代點都有一定價值，加上美元後市應該會好殘，此消彼長，商品價格經過年內大屠殺之後，有機會否極泰來。

上試1.48元

資源股爆發升勢，昨日金屬股普遍升幅都達10%或以上，其中湖南有色（2626）突破一個月高位，股價升10%，以1.21元高收。
湖南有色早前宣佈擬發債20億元人民幣，補充流動資金。另集團亦加快業務全球化步伐，其位於澳洲的礦業項目已進入實質運作階段。
湖南有色10月見底後，股價穩步向上，形成升軌推進，料股價先試1.48元水平，伺機跟進，跌穿1元止蝕。
方星俠