李八方online︱政府高層投訴等一周仍未有外傭檢測結果 激到「我做錯甚麼？」嬲嬲豬😡
蘋果日報 2020/12/16 20:21
李八方online武漢肺炎
據聞，「我做錯甚麼？」一聽到有成員咁樣反映，即刻就嬲咗。資料圖片
政府今日宣佈由聽日開始，為全港外傭提供免費社區檢測，估計驗完約2、3日就有結果。呢件事令八方諗起一則趣聞，話說喺政府最高層逢周二開嘅會議上，有成員投訴佢屋企嗰3位外傭做完檢測，等咗成個星期都未有結果，大家估吓嗰位「我做錯甚麼？」嘅林太，有咩反應？
據聞，「我做錯甚麼？」一聽到有成員咁樣反映，即刻就嬲咗。梗係啦，冇面吖吖嘛。然後「我做錯甚麼？」就相當慣性地叫相關局長處理。事後相關局長有冇俾「我做錯甚麼？」鬧到體無完膚、甚至掉眼淚？就不得而知喇。
香港就係咁嘅社會，身為權貴嘅，連家中外傭嘅檢測結果都有幾十萬月薪嘅局長跟進；而一般市民，就只能自求多福。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！