剛周三（18日）跑馬地夜賽取消，該晚的大部份參戰馬，翌日（19日）各自被安排出大圈、草地快跳，一般解讀是為洩火，唔錯又啱唔晒，那少部份唔跳，莫非唔使？固然唔係，視乎所屬馬房手法，有跳冇跳都好，總之冇得跑。

這批「遺產」連同該晚後備馬，於周三（25日）跑馬地夜賽有多達逾40駒再報名，兼做正選，尤其是三班1200米，四班1200米共四組，陣容與剛周三大致相同。再經排位抽獎，抽檔由好變唔好，由唔好變好，睇吓邊隻有運、無運？

未排位冇得估，只可從上述46駒名單中再拆細，分馬房睇排陣，與剛周三有幾大唔同。剛周三韋達的原有報名馬「肥仔」、「紅粉彩影」均被保留，還加入「興爾」與「明月昇輝」兩匹新勝馬。

「肥仔」與「紅粉彩影」剛周三冇得落場，韋達剛周四（19日）竟然安排呢對馬落草地拍彈草閘，等如畀佢哋跑四分一場，出發點好，亦確夠用心。

韋達自己親試的「肥仔」，在此課拍閘進一步現形，真係好似食咗火藥，當「紅粉彩影」冇到；剛周三抽4檔，若然今次續被「檔神」關照，再畀好檔，一定係爭勝主角！

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港