李龍基、邵音音及大AL等，今日去到沙田為明年1月，於旺角麥花臣場館舉行嘅「過來人 唱遊金曲50年」慈善演唱會綵排。

李龍基表示，於演唱會中會演唱3首歌曲，三首歌都同「星星」有關，佢話：「關於天上嘅星星，地上嘅巨星，可惜冇機會同其他歌手合唱。」李龍基表示，聖誕期間返咗大陸登台，新年亦有演出， 李龍基透露，計劃籌備2018年個人演唱會，18年中亦會為兩個舞台劇演出。

自認唱歌了得嘅邵音音表示，唱慣歌做慣演出，唔需特別練習，邵音音笑言：「我點樣唱都咁好聽，o依家忙拍電影，明年2月會拍一齣笑片，同一班年輕演員，劉浩龍等合作。」

更多娛聞，喺晒《娛果》
http://fb.com/appledailyent