【本報訊】灣仔「鬼屋」南固臺丟空多時，平日陰陰森森，膽小者勿近。五名膽大壯男「唔信邪」，昨日凌晨夜深到來飲酒「吹水」挑戰膽量。當中一人爬越圍牆離去時忽然失足跌傷後腦，需送院治療。友人一面懊悔說︰「下次唔好嚟鬼屋飲，要飲去番酒吧飲。」
跌傷男子姓吳（25歲），由鬼屋10多呎高圍牆滑下跌落樓梯，頭部受傷暈陀陀。救護員叫他郁動手臂檢查傷勢，吳答非所問說︰「無。」未知是夜遊鬼屋嚇親，抑或跌傷後迷糊。

現場為船街55號南固臺，上址有90多年歷史，是一級歷史建築物，是出名鬼屋。昨日凌晨2時許，五名男子到來飲酒談天以示膽量，一直相安無事，及至各人爬過圍牆準備離去時，吳突然失足跌落大門外梯級，後腦着地受傷，幸送院後情況穩定。
南固臺樓高兩層，部份外牆以紅磚砌成，屋外有凉亭、荷花池，建築風格中西合壁，昔日是風光大屋，日治時被日軍用作慰安所「貴賓廳」，戰後一直空置，已荒廢斷水斷電。南固臺曾經是《大鬧廣昌隆》等電視劇或恐怖片外景場地，現為合和實業所有。03年11月29日，八名青少年男女夜探南固臺時懷疑「撞鬼」，三名少女聲稱目睹「鬼魂」招手，嚇得魂飛魄散飛奔200米逃命，仆倒失常狂叫，由數名警員制服綑綁送院。