韓國神劇《太陽的後裔》嘅宋慧喬及宋仲基於去年10月成婚，兩人享受咗近一年甜蜜婚姻生活後，先後接拍新劇《男朋友》及《阿斯達編年史》，相隔兩年回歸公仔箱。雖然聽日就係聖誕節，但兩人就似乎冇得休息，仍然要為新劇趕工。

而宋仲基嘅一對可愛姪子，就透過爸爸嘅Instagram賣萌，向宋仲基及喬妹送上聖誕祝福，獲粉絲大讚可愛。宋仲基嘅兩名姪子同樣穿上綠色冷衫，以兄弟裝出鏡，兩人仲即場拆聖誕禮物，並多謝聖誕老人，唔知係咪喬妹及宋仲基送呢？隨後姪子亦表示：「叔叔、嬸嬸、爺爺、嫲嫲、姑姐，聖誕快樂。」而宋仲基哥哥拍攝短片時，意外令家庭照曝光成為焦點。

另外，宋仲基亦透過所屬事務所晒新相，並祝福粉絲度過幸福、開心嘅聖誕及新年。

精選韓流，喺晒《娛果》
http://fb.com/appledailyent