Kathy陀B等老公獎勵
杜德偉生仔拖舊愛落水
蘋果日報 2015/05/15 00:00
周汶錡（Kathy）與混血名模Cara G.兩位大肚準媽媽前晚再度碰面，齊齊現身SKY100的鑽飾活動，同場還有Kathy陳年舊愛杜德偉（Alex）、周秀娜及張新悅夫婦等，其中Alex與太太Ice影合照時煙韌肉緊，但同場未有機會同Kathy合照，Ice表示：「早知同佢影番張相先，我哋見過幾次㗎啦，有恭喜過佢幾次，見佢好開心好幸福。」
杜德偉透露與太太計劃造人，但要夾舊愛吳君如生第二胎才考慮。
吳君如
周汶錡陀B仔滿8個月，出活動依然着高踭鞋做靚媽。
踢爆B哥補擺酒
Alex在場笑言太太現在肥肥白白，問到會否有生B大計，他表示：「𠵱家佢肥肥白白，演唱會時照顧我，𠵱家完咗到我服侍番佢造人。」再問到會否是今年的事，Alex即拎另一舊愛及老友過橋：「等吳君如同陳可辛生第二個先啦，同埋范姜同阿B結婚先，佢哋啲小朋友大晒，有代溝，等佢哋再生，先會差唔多年紀。」在旁的太太即笑Alex做二五仔，踢爆B哥的補擺喜酒消息。
陀B剛滿8個月的Kathy繼續腳踏3吋高踭鞋，更戴上25卡鑽戒閃爆，她笑言自己會留定珍藏給未來新抱外，亦要等老公Julien送巨鑽獎勵：「考慮緊，呢粒就貪心咗啲，老公都應該有小小鼓勵，成日問我鍾意乜，慢慢嚟，今日剛滿8個月，預產期係6月尾7月頭，醫生已經俾咗入院紙我，我日日帶喺身，郁啲就入院，今個月尾會乖，休息吓。」
採訪：羅慧敏
攝影：陳順禎
陀B剛滿8個月的Kathy繼續腳踏3吋高踭鞋，更戴上25卡鑽戒閃爆，她笑言自己會留定珍藏給未來新抱外，亦要等老公Julien送巨鑽獎勵：「考慮緊，呢粒就貪心咗啲，老公都應該有小小鼓勵，成日問我鍾意乜，慢慢嚟，今日剛滿8個月，預產期係6月尾7月頭，醫生已經俾咗入院紙我，我日日帶喺身，郁啲就入院，今個月尾會乖，休息吓。」
採訪：羅慧敏
攝影：陳順禎
周秀娜下星期踏入30歲，希望買鑽石獎勵自己。
Cara Ｇ.與Jesper十分恩愛，二人期待第二名女兒的來臨。