張智霖自幼在一個貧困家庭下長大,一家十幾口住在一間幾百呎屋內,家中成員大部份是女性,所以童年時與他為伴的都是家姐、表姐和阿姨等,他看見姊姊們紮辮和穿裙,便不自覺地有樣學樣,完全不知道男孩子穿裙和紮辮會被人嘲笑。
撞玻璃爆嘴
童年時雖然貧窮,連買新衣服的錢亦沒有,但張智霖與家人生活得很開心,他說:「細個屋企冇乜錢,成日要執家姐舊衫着,連裙我都着過。細個乜都唔識,見家姐、表姐着,咁我咪攞嚟着囉!重紮埋辮㖭。後來知道男女有別,當然唔會再着,咁我就轉玩超人遊戲,成日喺屋企由高處飛落地下,有次跌倒,個嘴撞到玻璃,流咗好多血,媽咪即刻送咗我入醫院,個嘴縫咗十幾針。」
移民怕唔慣
張智霖十六歲時與家人移民澳洲,要適應新生活,讀中學時與大班白種人一起上課,張智霖說:「初時我都驚唔習慣,但好快我就可以融入佢哋嘅社會,同班外國人做咗好朋友。後尾喺澳洲嘅生活我都幾充實,𠵱家就算返咗香港,有時間都會去澳洲探親。」
採訪:陳月媚