今晚（28日）係季內最後一次谷草C+3欄賽事，掛牌好地至快地，但今戰走勢唔同以前C+3欄咁，並非完全偏向大利前置賽駒。

現時已跑咗四場賽事，頭馬既有前置或放頭，例如第二場「盈豐駿駒」及第四場「澤心星」；亦都有後追馬建功，例如頭場「進綵」及第三場「風采」，不過佢哋有樣共同點，都係由較中間檔位起步，「進綵」同「盈豐駿駒」皆6檔出閘，其後尾場大熱門「叫關健康」就係排6檔，仲用埋雷神協助，不得不重視。

騎師方面，今晚上半四場就由姓潘嘅贏晒，潘頓同潘明輝各贏兩場，仲要走勢係梅花間竹咁，唔知下半場佢哋會唔會繼續數糊呢？值得一提大、小潘下半場都有馬騎，另外馬會已按計劃在第4場後進行壓地。