【新增影片】
新年就快到，又係時候舞獅兼舞埋麒麟！一提起麒麟，去年初二沙田車公廟之內，新民黨主席葉劉淑儀被麒麟飛撞嘅一幕，唔少港人歷歷在目。上年就被指不請自來，攝入鄉議局求籤大隊而出事啫，今年不同往日咯，葉劉可以名正言順同麒麟一齊舞入廟咯！

八方問過沙田鄉事委員會主席莫錦貴，佢話已經向唔同黨派要員發邀請函，邀請出席初二車公誕，其中當然包括葉劉淑儀，而葉劉亦回覆咗，當日會出席喎！咁又係，據聞佢個黨會派員喺新一屆立法會選舉戰新東，當然要現身同鄉紳拜年兼拜票。而佢明顯已經放下被撞陰霾，邊度跌倒（撞倒至真！），邊度起返身！

查實除咗葉劉同麒麟喺車公廟內「世紀重逢」受關注，新界王劉皇發公子、現任鄉議局主席劉業強，今年料亦首度代父出征求籤，唔知發仔有冇苦練解籤秘技，以便解到面面俱啱聽？