【本報訊】藥學會會長鄺耀深表示，部份藥水含有小量火酒成份，主要為了防腐和維持藥水的穩定性。香港醫院藥劑師學會藥物教育資源中心教育總監崔俊明指出，用於混合在藥水的火酒，較普通人飲用的酒精類飲品濃度高兩至三倍。小孩過量服用酒精後果相當危險，輕則出現口腔灼熱、嘔肚，重則會導致中樞神經受損、腦壞死，甚至死亡。
崔俊明估計，肇事藥水當中約有一半是火酒、一半是藥水，小孩服食危險會倍增：「大人食覺得味道唔妥會即時停用，但係細路仔唔肯食，大人可能以為佢哋唔聽話，繼續餵佢食。」醫學會會長蔡堅指，部份藥水只會加入小量火酒，「如果份量正常，唔應該出現今次事件。」

飲2.5毫升如小杯烈酒

立法會醫學界議員郭家麒表示，每次飲用一小匙約2.5毫升的含火酒藥水，感覺有如飲下一小杯烈酒。西醫工會會長楊超發表示，若誤服過量火酒，必須等待一段時間，讓肝臟慢慢揮發體內的酒精，身體機能才可回復正常。不過，在這段時間內，體內的酒精或會影響肝、胃等內臟，但可用藥物支援，減少身體的受損程度。