鄭伊娜喺微博咗了好多令人覺得奇怪的字句，佢留言話：「一個人出走香港，因為近來唔開心，決定出國去散散心。醫生話我唔可以去熱嘅地方，.....昨晚只睡了一小時，今晚我可以好好地睡一個好覺嗎？」最近一個月以嚟，佢都係寫咗一些讓人擔心嘅留言。日前鄭伊娜被影到現身佐敦，佢喺的士跳士跳出嚟，走往一棟大廈係幾步之隔，佢都急急開遮，頭戴鴨嘴帽嘅佢，不施脂粉，容顏憔悴，面上戴著一個黑色嘅口罩，露出一雙無神嘅眼，鬼鬼祟崇咁行入大廈後，去咗一間心理醫生睇門診，大約一個鐘頭之後離開。

鄭伊娜接受記者電話訪問，問佢為何日光日白戴帽、戴口罩，佢話：「今日係要去睇醫生，我情緒唔係幾好，喊得好犀利又失眠，咁我朋友叫我睇醫生，睇心理醫生，唔知係咪有抑鬱，總之就心情好差，見到人哋笑事，我係好想喊。」點解要睇心理醫生呢？佢話：「發生美容事故係一個意外，我嘅情緒有啲唔係幾好，都一段時間，因為呢個美容意外，我嘅工作無論拍嘢，影旅遊書都要停哂，呢段時間又唔可以見陽光，好多嘢全部都做唔到，所以情緒好差。」

提到美容事故，鄭伊娜欲言又止，表示暫時不可以透露詳情，因為已經交由律師處理，問佢係唔係因美容意外被毀容？佢開始想喊話：「有傷害，好番有啲唔係幾好總之，一個星期瘦5磅，屋企人迫我食有營養嘢，但係都無胃口食，希望快啲好番，可以做番嘢，原本喺內地接咗啲網絡電影同話劇，仲有啲演出，依家全部都唔得，11月去海南島，醫生話太熱地方又唔得，我好唔開心，依家全部唔做得要CANCEL，損失好大，好唔開心，我個人好有計劃，呢件事係我預計唔到，唔係個個人體諒你，希望真係可以完全好番哂，我原本皮膚真係好靚0架！」