【摩斯密碼傳情？】湯洛雯貼愁爆相 舊愛羅天宇蒲頭耍花槍
蘋果日報 2019/08/18 20:46
羅天宇湯洛雯耍花槍…
- 靚湯突然愁爆在facebook貼相，似乎有心事。
- 同一樣張相轉發到IG，好多人都問候，惟獨羅天宇跟靚湯一樣留「…」。
湯洛雯和羅天宇曾經拍過拖4年，但17年底分手後，兩人似乎又藕斷絲連，早前更獲無綫撮合，安排兩人到挪威拍攝旅遊節目，拎正牌過二人世界。雖然「復合」之聲不斷，最終都被靚湯否認，只認兩人是好朋友關係。
靚湯今日突然在facebook忽然發愁，貼上張「苦瓜乾」相說：「也許一次便足夠了……」又在story上表示「有點累的感覺…身和心…」由於說法太過隱晦，網民留言都只能夠簡單問候及加油打氣。
同一樣張相，靚湯亦有放上IG但只留了「…」，沒有任何字句，劉佩玥回覆「我在」撐住靚湯。但在云云留言中，羅天宇亦有蒲頭，同樣留下「…」，隨即被莊思明質疑兩人耍花槍，她說：「唔好喺度打波（摩）斯密碼。」靚湯只簡單回復：「佢抄我㗎。」