台灣天后蔡依林（Jolin）喺農曆新年期間，因為患上急性腸胃炎，令免疫力下降受病毒感染，病毒擴散接近眼睛、耳朵，結果要入院留醫，臨時要缺席米蘭時裝週。（新聞連結： http://bit.ly/2F8QhUG ）

噚日Jolin受邀出席米芝蓮晚宴，係佢病癒後首次於台灣出席公開活動，佢透露自己收到酒店嘅邀約，負責出主意，再交由甜品主廚展現一道以台灣山脈及舒爽氣候為靈感嘅精緻菜餚，Jolin明言好榮幸。

之後Jolin提及自己嘅病情，佢話已經好咗好多，啲傷口結焦都開始脫落，佢話自己當時諗住瞓一覺就冇事，點知醫生覺得勢色唔對，於是「扣留」佢留院，而Jolin亦順道提醒fans有病要就醫，唔好拖延，而佢亦會多留言加強免疫力有關嘅補品。

提到佢個巡演要延期，Jolin話自己已經為演唱會寫劇本，之前預計夏天出新碟，但噚日佢都無奈苦笑「不敢確定」，未知會唔會又要延期。

而Jolin噚晚就喺自己個Instagram度貼相，穿咗一身廚師服嘅佢監察甜品製作，好有大師風範。

精選娛聞，喺晒《娛果》
http://fb.com/appledailyent