13屆冠軍騎師韋達今季與大摩合作非常緊密，後者今季暫時14場頭馬中，有過半數由前者勝出。

周三（28日）晚呢個騎練組合又有合作，就係第八場快活谷三班1200米「健康美麗」 。

今朝（26日）七時許，韋達親自策騎此駒在草地1800米快跳，大摩在烽火台二樓用望遠鏡觀操，之後立即趕往飛機坪接馬，追問騎師馬匹操練表現，兩個人傾咗差不多五分鐘。

「健康美麗」上賽初配韋達跑快活谷三班1200米立即爆冷得手，今次乘勝追擊再跑同程，再下一城有機會。