【等緊你訴苦】余香凝分手影響情緒 廖子妤:身邊多咗個炸彈
余香凝廖子妤分手炸彈
跟余香凝(Jennifer)姐妹情深嘅廖子妤(Fish)到中環出席品牌活動,最近Jennifer被揭同陳家樂分手,問到Fish有冇關心好友?佢坦言:「有嘅,呢個星期好貼身感受到隔籬好似有個炸彈,炸得好應好響,雖然唔係炸中我,但都感覺到威力。」問到Jennifer有冇訴苦?Fish表示:「其實大家都好擔心佢嘅心情,好多朋友都有陪佢,佢都好硬淨,反而安慰番我哋,叫我哋唔使擔心佢,又叫我哋唔好唔開心,佢咁講,我覺得自己好無用!呢個星期朋友間都瞓得唔好,會突然之間紮醒,睇吓佢有冇send message畀我哋,其實件事都開始退燒,希望快啲回復番正常。」
講到Jennifer被揭17歲曾劈腿,Fish為好友抱不平:「點解風向會去到咁呢?係不成理據嘅,咁樣會對佢嘅人格造成謀殺,對佢好唔公平好無辜,我哋識咗一段好長時間,我同家樂都識咗好耐,兩個都係好善良好正面嘅人,其實家樂喺呢件事上都好無辜,畀啲空間佢哋,兩個喺呢件事上都唔好受,大家將專注力放番應該嘅地方,佢兩個喺工作上都好努力,接觸得多都知佢為人,絕對係好專業演員,亦係好好朋友。」
精選娛聞,喺晒《娛果》
http://fb.com/appledailyent
相關新聞:
【舊愛曾貼文:道德觀念這麼低】余香凝被揭背老闆男友 暗交陳家樂
https://bit.ly/2yuoU5g
【三角關係致分手?】余香凝舊愛暗寸偷食 陳家樂再護前度:唔係事實
https://bit.ly/2K7Yo3b
廖子妤話感受到身邊多咗個「炸彈」,暗示余香凝隨時情緒爆發。
每日都有check住余香凝有冇搵佢,隨時騰出時間聽對方訴苦。
陳家樂連日嚟都維護前度,今日中午出席活動時再次讚前度係好女仔。(攝影:仇志德)