第四波疫情持續，即使聖誕佳節，巿民購物意慾亦大幅下降，零售實體店生意慘淡，不少店舖轉戰網店力挽狂瀾，如開fb live介紹產品、推出網上限定優惠，有專門幫客戶成立網店公司今年生意額增長2成。而擁有十間實體店的彌明生活百貨老闆袁彌明（Erica）坦言，今年重回基本步，靠網店生意封蝕本門，「我哋門市係做少咗生意…用網店條數，因為佢成本低，就補返10間專門店跌幅。」

專門幫客戶設立網店、找貨源、推廣等一條龍配套的ONLINE HEUNG KUNG盧楚允表示，網上消費潮流其實數年前已經開始，但對象以年輕一族為主，不過疫情嚴重，網購在短時間內變成主流，「個個留喺屋企，盡量減少外出，連師奶、太太們及較年長一群，都識得同習慣喺網上購物，趨勢即使在疫情後亦會持續。」他目前至少有過百名經營網店客戶，以售賣韓國家品、食品及時裝為主，他表示今年客戶訂單錄得驚人升幅，「今年香港經歷4波疫情，每次一爆嗰個月，客戶訂單都明顯上升，全年計整體有兩至三倍增長。」

在港擁10間實體店的彌明生活百貨老闆袁彌明表示，網店經營成本低，靈活性強，在「疫市」中成靈丹妙藥，「以前我有10間實體店，間間都要交租都要請人，我一定係優先實體店，個網店我攤喺度好被動，你鍾意上去買我哋都有送貨，但現在網店我唔使交租，我人手好少，我淨係pack嘢入單。」

在商場內開設的零售店，一般來說，每月銷售額雖要分成指定比例予商場，但網店銷售額就可以全數落袋，袁彌明稱，今年網店有數倍增長，足夠抵銷10間專門店的跌幅。幾乎全行均出現生意額大跌，周圍做大劈價，但她認為在生意額及維護品牌形象方面，要小心取得平衡，「啲大牌子真係劈得就劈，但其實對品牌形象係非常之唔好，他日好難再用正價去賣。」

年尾大結算，袁彌明形容今年是她從商逾10年來，經營環境最困難的一年，即使保住了所有員工飯碗，又提早向員工派發花紅，但政府的保就業計劃在12月斬纜，隨時令零售業走入絕路，「直情死梗，咁啱12月冇保就業，跟住疫情爆到咁，再限聚二人、再閂晒嗰啲場所，……我哋現在講緊中國人過年喎，點呀？炒晒啲人咁樣過年呀？唔得㗎！」

-----------------------------

你敢爆，我敢獎！ 立即WhatsApp 《蘋果》24小時爆相爆片熱線 或致電：63836568

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！