【短片】【兩位靚媽】Rosanne靠餵人奶收身 洪欣生夠「封肚」：收工喇﹗
蘋果日報 2014/04/30 06:00
洪欣黃婉君Rosanne
兩位靚媽洪欣（左）及黃婉君，今日靚靚打扮出席活動。(攝影：陳順禎)- Rosanne身材fit爆。
- 兩個都有交流收身心得。
- 洪欣話因為要湊囡囡，所以最近唔係好夠瞓。
- 各具美態。
- 洪欣仲以大露背示人。
- Rosanne話母親節會同囝囝整蛋糕慶祝。
今日喺觀塘舉行嘅「摩登肥皂藝術展」，邀請咗兩位靚媽咪洪欣及黃婉君（Rosanne）出席。
今年2月，洪欣生咗個囡囡，見佢好似收番身，瘦番少少，仲以大露背現身，佢話：「0依家囡囡兩個幾月，自己未收晒身，仲有10幾磅未減。」
問佢湊女係咪好辛苦？佢話：「幾攰呀，因為自己會落手落腳，所以唔夠瞓。」咁有冇餵人奶？佢話：「冇餵過，一開始已冇諗住餵，0依家已經咁辛苦喎。」
洪欣話0依家出嚟做嘢，都當係休息緊，噚晚半夜要餵囡囡飲奶，都搞到成晚冇瞓，問佢老公有冇幫手？佢話：「有幫手，但噚晚第二餐奶之後，就變咗我湊，因為囡囡瞓覺成日會跌奶嘴，要幫佢執。」至於會唔會再生？洪欣即話唔好喇，收工喇，除非再有「意外」，但唔係計劃之內。
至於細仔10個月大嘅Rosanne，身材fit爆，佢話大仔3歲，細仔就10個月大，頭先都有同洪欣分享點解咁瘦，佢話可能自己餵人奶，餵到10個月，餵人奶對BB好又可以收身，不過0依家停咗冇餵人奶喇。
講到佢妹妹Race被指同向佐復合，Rosanne話：「問返佢啦，開心就好，睇下有冇報道。」問佢有冇見過向佐？佢話：「之前話分手，但我哋都係朋友，我當佢細佬咁，有keep住聯絡。」
問到兩個媽媽母親節點慶祝？洪欣話囡囡太細，可能喺屋企慶祝，大仔就要睇下有咩驚喜，每年都會送禮物比佢。Rosanne就話會同小朋友一齊整蛋糕慶祝。
今年2月，洪欣生咗個囡囡，見佢好似收番身，瘦番少少，仲以大露背現身，佢話：「0依家囡囡兩個幾月，自己未收晒身，仲有10幾磅未減。」
問佢湊女係咪好辛苦？佢話：「幾攰呀，因為自己會落手落腳，所以唔夠瞓。」咁有冇餵人奶？佢話：「冇餵過，一開始已冇諗住餵，0依家已經咁辛苦喎。」
洪欣話0依家出嚟做嘢，都當係休息緊，噚晚半夜要餵囡囡飲奶，都搞到成晚冇瞓，問佢老公有冇幫手？佢話：「有幫手，但噚晚第二餐奶之後，就變咗我湊，因為囡囡瞓覺成日會跌奶嘴，要幫佢執。」至於會唔會再生？洪欣即話唔好喇，收工喇，除非再有「意外」，但唔係計劃之內。
至於細仔10個月大嘅Rosanne，身材fit爆，佢話大仔3歲，細仔就10個月大，頭先都有同洪欣分享點解咁瘦，佢話可能自己餵人奶，餵到10個月，餵人奶對BB好又可以收身，不過0依家停咗冇餵人奶喇。
講到佢妹妹Race被指同向佐復合，Rosanne話：「問返佢啦，開心就好，睇下有冇報道。」問佢有冇見過向佐？佢話：「之前話分手，但我哋都係朋友，我當佢細佬咁，有keep住聯絡。」
問到兩個媽媽母親節點慶祝？洪欣話囡囡太細，可能喺屋企慶祝，大仔就要睇下有咩驚喜，每年都會送禮物比佢。Rosanne就話會同小朋友一齊整蛋糕慶祝。