普辛基斯（Kristaps Porzingis）近兩季都喺紐約人交出好表現，令到唔少球隊都想將呢位21歲前鋒撬過檔；而紐約人總裁「禪師」積遜（Phil Jackson）近日更大爆收到唔少球隊報價，而佢就話：「我哋會做出對球隊有利嘅決定。」

‏公鹿班主伊甸斯（Wes Edens）嘅囡囡Mallory Edens見到呢個消息後，就即刻出美人計，喺twitter嗌普辛基斯過去公鹿；假如「字母哥」G安迪度安寶（Giannis Antetokounmpo）同普辛基斯呢兩位歐洲長人可以拍住上的話，都咪話唔得人驚。