韓劇《六龍飛天》嘅30歲男星劉亞仁，今年初被診斷出患有良性骨瘤，經過多次兵役體檢都唔合格，因此獲兵務廳判定佢為「免除兵役」，但就遭韓國網民質疑佢有逃兵役之嫌，指佢一直拖延入伍時間及故意唔接受治療。

雖然是非纏身，不過劉亞仁就落實主演新片《Burning》。《Burning》講述一名女性跟財閥及速遞司機之間嘅故事，預計本月開拍，明年上半年上映。

消息一公佈即引來韓國網民熱烈討論，表示對劉亞仁反感，批評佢患骨瘤唔可以當兵但就如常演戲，再次質疑劉亞仁涉嫌逃兵役。

劉亞仁於6月時拍畢韓劇《芝加哥打字機》之後就甚少公開現身，不過日前佢就跟一眾好友，包括模特兒張允珠，於工作室聚會。