莫講話小記今年犯太歲，我覺得今年香港個個人都好似犯太歲咁，2003年過咗四分一都無一件好事發生過，之但係老土啲講句，點都要着暖食飽，而且反而要比以前着得更靚，食得更好！講咁多廢話都係想話過你知今日同星期六，世紀海景酒店請到不畏肺炎嘅泰籍女名廚MsPensriMongkolvai及MsSiripornKongthong主理酸甜明蝦、黃咖喱肉蟹、椰汁香蕉露等，加埋有穿上民族服裝嘅客籍泰國女侍應MsKesornLomnong款待，食到嘅就肯定會係如假包換嘅正宗泰菜，只係百四五蚊，而且只會喺本月供應，唔好睇啦，訂位啦！

記者：朱維達