日本少女新星廣瀨鈴，今年強勁冒起，因為舊年年低一個JR鐵路廣告，令佢備受注目，近來成日登上封面之外，仲不停有劇有戲拍，今季日本NTV台劇集《學校的階梯》，仲由佢擔正，仲被讚喺劇入面好可愛。

鈴妹最近仲夥拍綾瀨遙、長澤正美等阿姐級演員，拍咗套新片《海街diary》今日再有新片段曝光，鈴妹喺片中仲有出浴鏡頭㖭。

不過，人紅自然惹是非，鈴妹被指兩年前甫入行時，已經好鍾意尊尼事務所嘅男星，經常同尊尼仔一齊玩，佢仲被指中三嗰陣，已經同尊尼仔宮近海斗拍拖。