有線電視收取一名客戶半年年費後，以原有服務計劃過時為由，竟要求客戶改用一個收費貴三倍計劃，客戶不同意更改計劃，竟遭截斷網絡，無法收看有線視節目，客戶直斥有線電視做法不公平。

居於香港仔華貴邨的梁先生向本報投訴稱，他在二○○○年一月開始收看有線電視節目，當時他選用年費125元的服務計劃，可收看電影台，新聞台和綜合節目台。
自此，有線電視每年一月合約屆滿前，若他不預先主動通知有線電視終止合約，有關服務計劃自動延續一年，並從其信用卡帳戶，預收未來一年費用。
他稱，在二○○二年一月，其服務計劃年費增加至150元，其他合約條款不變。今年一月，有線電視仍如以往四年，向他預收今年年費，並向他發出收據。

「個PLAN太舊𠵱家冇嘞」
梁先生稱，於今年四月，他收到有線電視職員電話，要求他更改服務計劃，「佢話我個PLAN（服務計劃）太舊，𠵱家冇嘞，要求我轉用每個月40蚊嘅新計劃；我即刻話有冇搞錯？明明一早畀晒錢，合約重生效緊，點解要迫我轉個貴PLAN？而且個新PLAN下嘅嗰個台，每日只係播兩套戲，同我𠵱家可以全日都有戲睇嘅電影台，相差好遠。」
他說，當時他並沒有同意轉用新計劃，可是到上月中，其有線電視遭截斷網絡，不能再收看有線電視節目。「我即刻打去有線問點解，佢哋都係話原本我嘅PLAN已經取消，如果我唔轉PLAN，就唔會開台，只係會退番我未用嗰半年錢畀我。」