【頂級學府】
翻開李律仁的「黃金履歷表」，在美國耶魯大學畢業後，在另一頂級學府哈佛大學取得法學博士。不過在「浸鹹水」接受西方思想洗禮前，李律仁自小卻受「國民教育」所薰陶。由幼稚園起至初中，一直在與國民黨甚有淵源的培正就讀，「培正當時好愛國，但𠵱個愛國同邊一個政權係無關嘅！」

讀培正接受國民教育

「培正嘅愛國係來自對中國文化，中國歷史嘅興趣，喺培正讀中史係重要過世史嘅。」李律仁對愛國的觀念，是由中國文化及歷史的底蘊所建構，同期一起接受培正式的「國民教育」的同屆同學，還有文化人梁文道及筆名陳滅的本土詩人陳智德。
李律仁後來跳出「國民教育」轉為接受西方思想洗禮，遠赴英國繼續學業，最後又轉戰美國。當時在英國讀高中的李律仁，本來理所當然繼續留英升學，但他選擇留學美國，「我喺英國嘅時候，所有同學都會話美國人乜都唔識㗎喇，財大氣粗。但我覺得唔係咁，現實話我知，美國嗰時得番佢一個係超級大國，嗰度一定仲有其他嘢，所以決定自己去搵出嚟」。