記得之前有朋友喺敏妮blog留言，「不滿」敏妮居然叫人做期權，話大戶先需要用期權對冲手上持貨，因為佢哋貨太多，如果減持或者沽貨之後，要補番貨嘅成本太高，所以要用對冲方法。散戶絕對唔需要，因為覺得市況差，可以沽貨，唔係買多張衍生工具。
其實散戶同大戶都係真金白銀投資，都有成本，大戶lot貨大，成本就大，難道散戶炒股唔使成本？相對注碼同回報比例，可能好多散戶都覺得自己炒股成本唔輕，點解唔可以好似大戶咁做對冲？
再者，買期權同買股票一樣，一手作單位，入場門檻又唔使一球球美金，非大戶專利。何況期權唔一定買，可以沽。就以呢位朋友所講，家陣市況差，又驚沽貨後個市升要補貨，沽個認購期權，收期權金，到價先沽貨又得；買個認沽期權，當幫股票買個保險又得，個市真係差咯，都可以預定沽貨價，將坐艇嘅貨沽出。
覺得敏妮一知半解唔識嘢信唔過？以下係好機會喇，「港股王」搵咗有好多資深期權投資者坐鎮嘅「期權教室」，合辦期權講座，深入淺出解釋點樣用股票期權、指數期權保障投資組合，兼賺取穩定回報，對期權唔了解又想知多啲嘅朋友最啱聽。
溫敏妮
http://wanmanli.com/blogs/