曼聯周六兩球淨勝史雲斯，相信一眾紅魔球迷亦相當高興。不過開心事又點可以畀佢停，香港曼聯官方球迷會周日在Facebook Page發帖，聲稱獲得神秘紅魔鬼球迷注資4100萬，開設佔地二萬呎嘅兩層式球迷會會所，唔只有5人足球場、酒吧之外，仲可以容納最少250人一齊睇波，相關帖文隨即喜獲過千個like！

球迷會仲話所有幹事都會變成受薪員工，24小時為大家服務，仲邀請到本地資深體育主持同傳奇7號出席開幕剪綵！相關喜訊隨即引來曼聯「死忠」、早前因樂視體育結業而閒賦在家的著名體育主持馮堅成，到帖文中留言稱「好野，我有新工返啦！」，更聲言要擔任球迷會的CEO添！

正當一眾魔迷慶高采烈之際，有魔迷在留言中「一言驚醒夢中人」，提醒各迷魔迷夠鐘訓醒喇！因為今日係4月1日愚人節，相關帖文都只是球迷會為博魔迷一笑，看來大家想看到堅成返新工或者講波，要再等多陣囉。

-------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM