吳浩康（Deep）同陳柏宇、江若琳等今日齊到坑口出席一個籃球慈善邀請賽。阿Deep女友鍾舒漫只拍片支持。

阿Deep話近期未有結婚計劃，而陳柏宇被問到港視收視時說：「鏡頭同手法都好吸引，我有份嘅《大眾情性》接住就會播。」

今日以露腰短裙到場任頒獎嘉賓嘅江若琳，就否認與賀軍翔嘅緋聞，佢話：「今次真係躺著中槍。我只係去台灣傾工作，同放幾日假，同佢食咗餐普通dinner。」又謂對於無啦啦傳緋聞感到無奈:「對我嘅影響不值一提，但如果可以幫大家消耗到十分鐘，咁算啦。」

江若琳話同賀軍翔只係合作咗一次，兩人只係普通朋友。咁恨拍拖嗎？佢話:「我冇呢個衝動，亦都冇精力同精神，只係想專注工作。」