韓國48歲的「大長今」李英愛相隔14年回歸大銀幕，繼05年《親切的金子》後，她主演的新片《復仇母親》已於上月在韓國上映，而香港方面則於後日開畫。

愛姐在《復仇母親》中挑戰演技，飾演苦苦追尋失蹤兒子下落的母親，在片中愛姐犧牲靚樣，不時以素顏示人，又有不少追捕被打場面，為電影搏到盡。雖然電影在韓國開畫時對正迪士尼勁片《魔雪奇緣2》（Frozen II），但愛姐仍落力做宣傳，日前更接受《蘋果》電郵訪問。

對於今次拍攝《復仇母親》與《親切的金子》有甚麼不同及令她最深刻難忘時，愛姐表示：「做咗媽咪之後再拍戲，所感受到嘅情感幅度比結婚之前大好多，雖然令我很攰，但令我更投入更專注。」電影帶出當地虐兒拐帶兒童的社會問題，本身有一對龍鳳胎的愛姐演繹失去兒子的母親可謂難上加難，愛姐自言在結婚之前有想像過失去孩子的媽媽的心情，但在結婚之後，特別是自己有了小朋友後，光是想像這個情況就已令她非常心痛及難受。

電影尾段有逃走、打鬥的場面，被問到體力上會否覺得很辛苦，愛姐直言：「整體來說，冇乜嘢係容易嘅。無論係精神上，定係身體上，都會覺得好疲累。因為係動作片，所以事先亦會做打戲嘅練習，所以並唔容易，但係久違了嘅練習反而令我覺得更加有意思。」愛姐坦言最難的是關於孩子的方面，因為從身為媽媽的角度來看，感情的消耗很大，心裏亦很痛苦，但自己就不想令心情太過火，想表現出節制的感情，所以更加難。

在製作花絮中愛姐曾形容今次角色是：「突破形象界限的李英愛」，對於這個說法，愛姐表示：「一直以來，因為大長今嘅形象而廣為人知，無論喺廣告或者大長今嘅形象亦都深深刻喺大家嘅認知裏，所以作為演員我好想要展現全新嘅形象。通過朴贊旭導演嘅《親切的金子》進行咗新嘗試。結婚後成為咗兩個孩子嘅母親，我本身更加深沉嘅樣子亦令我充滿期待。為了展現咁樣嘅母親嘅形象，我付出咗好多努力。正因為咁樣，呢部電影先令我更加有共鳴，產生了一種想要糾正社會同人們嘅不正之風嘅想法。一方面，因為我係母親，對於呈現孩子相關嘅問題，雖然有些猶豫，但係作品嘅投入度同埋即使如何艱難，亦唔失去希望嘅故事結尾亦都非常好。呢齣係經過長時間磨練同埋突顯功力嘅電影。」

對於導演金承右激讚愛姐的演技每一瞬間都令人驚嘆，又指愛姐的演技足以令畫面氣氛突變，問到愛姐會否將《復仇母親》視為自己的代表作時，愛姐則說：「最近嘅作品都似乎係大片為主嘅趨勢。因此我覺得拍一啲可以給社會敲響警鐘嘅作品，亦係身為演員嘅一種責任和義務。雖然亦都需要好似爆谷一樣有趣嘅電影，但係我覺得好似呢種雖然沉重，但係喺我哋身邊實際會發生嘅主題嘅電影亦都非常有必要嘅。單係睇新聞，就能知道發生咗好多事件同埋事故。現實中嘅事件、事故以及社會整體嘅不合理，通過一個人物來廣而告之，我想對於電影嘅主題，肯定會有觀眾覺得深奧難懂或者反感，但係這就係現實，亦係呢部想要訴說現實嘅電影中不可缺少嘅部份。希望大家能感受到這沉甸甸嘅迴響。相比起給自己嘅表現評分，我認為呢個係自己相隔已久但每一瞬間都竭盡全力去參與嘅作品。」

另外，近日迷上玩微博及IG的愛姐，今日在微博上載童年時的照片，並留言：「好像是11歲的照片，時間太久記不太清楚了，能看出來是我麼？」照片中的愛姐戴上畫家帽，樣貌沒有很大變化，足證她是由細靚到大的天然美女。
-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇