日本國民級組合SMAP今年12月就會散band，木村拓哉一直被指出賣隊友，導致形象大打折扣，唔止接拍嘅TBS電視台1月新劇《Get Ready!!》遲遲未有女星肯做女主角外，連起廣告商都開始離佢而去，好似2009年開始搵木村代言嘅地產商TamaHome，最近已唔再用木村做生招牌，似乎受SMAP解散消息影響，好有可能同木村結束7年嘅合作關係，唔怪得木村近日被指激瘦兼愁爆啦！

SMAP已落實發展至12月31日，今日就宣佈12月21日會推出3碟精選唱片《SMAP 25 YEARS》，而王牌節目《SMAP×SMAP》亦暫定12月26日播出最後一集，雖然NHK方面極力斟SMAP演出除夕晚嘅《紅白歌唱大賽》作為五子最後一次嘅舞台演出，可惜尊尼事務所方面似乎未能協調，相信參與《紅白》機會相當之微。