2018年對社民連副主席黃浩銘嚟講，相信會係相當深刻嘅一年，一來阿銘今年就滿30歲，同時亦係佢加入社民連嘅第10個年頭，二來係阿銘仲有多宗官司在身，而佢今年已經因為東北案入獄13個月，同女友嘅婚期要無奈延後，暫時未擇吉日。

新年將至，八方問佢有咩新年願望，會唔會都係關乎兒女情愛事？鐵漢係有柔情一面，但最關心嘅似乎都係香港大事。對於普羅港人同政治犯，阿銘分別留下八字心願，佢最希望香港人「仗義執言，不屈不撓」，至於政治犯，就必須「堅毅奮鬥，無畏無懼」。一來提醒港人要發聲，二嚟鼓勵戰友兼以此自勉。心裡面有愛嘅人，果然充滿力量。