黎諾懿追B大計被武漢肺炎打亂 疫情一完即開工造人
蘋果日報 2020/12/16 17:32
黎諾懿導盲犬
黎諾懿今日出席活動時，提到有意追B，為兒子「小春雞」添個伴。
黎諾懿今日到打鼓嶺出席導盲犬訓練學校動土儀式，並獲委任為關愛大使。黎諾懿指自己多年前飼養了一對拉布拉多犬，他笑指當年跟老婆李潔瑩（Nicole）初初拍拖時，Nicole對於他家徒四壁，很少傢俬而感到奇怪，黎諾懿解釋說：「拉布拉多BB時好活躍，當時屋企啲傢俬都被佢哋溶咗，試過一張3人梳化，喺我落一落街之後變成單座梳化，因為被佢哋咬爛。」Nicole又試過不相信牠們的破壞力，買張好靚狗床仔給牠們睡，結果狗床仔也難逃被咬爛命運，Nicole便對着狗仔說：「哎呀，你哋真係唔爭氣。」
黎諾懿有意安排8歲大的拉布拉多犬接受導盲犬訓練，他說：「佢雖然8歲，但似3歲咁好動。另一隻2年前已經走咗，走時係8歲，因為得到肺癌，我成日講笑話叫咗你唔好食煙，其實狗通常都係腎有事，好少肺有問題，所以都唔知原因。」現時家中仍有飼養貓狗，問到可會再養多隻？他說：「養住人仔先，等個仔大咗識得幫手照顧先再養。」
黎諾懿早有意願今年想追個B女，但因為爆發武漢肺炎疫情，為免老婆在疫情下懷孕添加壓力，屆時可能自己也會減少工作，避免接觸人群，所以暫停造人大計，他笑說：「疫情幾時完，我就幾時開工。」
黎諾懿笑言以往曾被愛犬大肆破壞家中傢俬，故曾出現「家徒四壁」的情況。
被問到會否再養狗仔，黎諾懿稱會先養人仔（生BB），再決定加養寵物。
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！