恭喜恭喜！今日有傳陳茵媺開刀生B，再為人父母，方才陳豪同茵媺即開心發聲明，公佈細仔喺半山舊山頂道嘉諾撒醫院出世喇！聽日中午12點兩口子仲會同大家見面，仲會發BB相添。照咁講，估計茵媺有可能聽日出院；至於究竟幾時生B，就話留番聽日先講。

前年大仔Aiden出世時，茵媺都有第一時間上載BB手仔同鼻哥仔靚相，但就拒讓BB樣子曝光。唔知今次第二胎發相，會否有驚喜呢？