自03年本港賭波合法化，馬會是唯一合法投注的途徑，但多年來馬會足球博彩增長之餘(2016至2017年度馬會足球博彩投注額為927億元)，外圍賭波活動同樣熾熱。而馬會曾在年報稱，調查顯示港人每年輸給非法博彩機構的注碼高達120億元，反映外圍集團禁不絕、打不盡。

有外圍莊家分析賭仔愛賭外圍的原因，主要是外圍集團提供的玩法貼地，無限紅，唔會封盤，更重要的是可以「賭口數」，唔使即時付款，贏咗有錢收，輸咗亦唔使即時找數。

莊家舉例，中國人愛玩的亞洲盤，但馬會並非場場有亞洲盤，「馬會多數只得主客和，贏嘅機會係33.3%，但外圍波只得邊隊贏，贏嘅機會係50%，唔少人寧願賭大注啲，快啲贏而選擇亞洲盤。」而現時馬會可以投注項目，包括即場投注（走地盤）、自選過關（最多八關）、中場投注、主客和、波膽、冠軍等都是較大路賭法。但外圍卻有千奇百趣投注，例如賭球員一場入幾球，左腳、右腳或者頭搥入都有得買，下一個入球球員等，好玩又刺激。

莊家又指，馬會接受球迷下注的方式是自己「坐盤」，假如投注嚴重傾向於某一方，馬會有可能會輸錢，所以馬會的防範策略是它的折扣率低於市場，即賠率較低；二是馬會不開盤或隨時改盤，也可以「限紅」，限制賭注的數目，免被人「煲起」，都會趕走一些大額投注人士。

對於世界盃賽事即將展開，不少巿民也開始感受到這股熱潮，學生陳小姐表示，屆時會約朋友外出睇波，並支持巴西隊，因它是足球王國，但呼籲賭仔勿賭太大，要賭也到馬會賭。而從事酒吧業的劉先生則表示，世界盃舉行期間會到酒吧狂歡，但他直言不會參與賭波，更反對賭外圍，因為「賭波害人害物」。至於任職推銷員的許小姐亦會外出看世界盃，最希望葡萄牙勝出，但她自言不賭波，也不建議賭仔非法賭外圍。

你敢爆，我敢獎！ 即Call《蘋果》24小時爆相爆片熱線 ：63836568