雖然話近排樓市極度淡靜，睇番全年，可以話先甜後苦。上半年市旺，唔少代理賺到笑，下半年較反覆，難免要蝕。既然辛苦咗成年，各間代理都籌備周年晚會，實行癲番晚，儲足戰鬥力再戰明年。
利嘉閣下個月十八號率先搞周年晚會，筵開百五席，又用六位數字，請到人氣女星周麗淇表演，司儀係李麗蕊。執董廖偉強話使費共二百萬。
美聯晚會選定同月二十五號，朱凱婷與張達明做司儀，由夥計模擬殘酷一叮，講到台主，相信四人組爆炸猛男最深入民心。
電郵地址：[email protected]