家寶仲話踓然有好多人接觸過佢,但暫時冇新工作安排,放完假先算,下個月會去台灣環島遊,同去上海探同學朋友,再去日本、加拿大探親,希望重整心靈。
至於負責約大家食飯嘅威仔就話:「打算一齊請家寶食飯,之前大家好忙又辛苦,家寶又要出庭,大家都好撐佢。」講到𠵱家亞視工作環境,威仔話剛收到通知,計劃農曆年廿九至大年初三(明年2月7至10號)4晚做Live:「1月10號有個公益金百萬行,可能係代表亞視最後一年,不過我就唔係好sure。」
而張家瑩都話剛收到工作通知:「𠵱家好尷尬好煩,因為份約差唔多完,以為完約後好Free,諗住農曆年出埠玩。如果真有呢個job係好,會考慮延長合約,所以要再傾,好彩未book酒店同機票。」
撰文:關仁