湯盈盈飾演的李笑好在《阿旺新傳》結局篇中,雖然不會變成大美人,但打扮和儀容會較當初企理,加上因回復自信心,整個人看來也變得漂亮。至於李家聲在劇中飾演的巴基斯坦人林賓,最終更會與阿好有情人終成眷屬,不過二人的結婚場面只會以對白交代,沒有畫面出現。
問湯盈盈對此結局安排是否滿意時,她昨日說:「滿意,其實初初都有人諗過李笑好到最後好唔好整容變靚,但監製認為整容變靚嘅話,可能會有負面效果,始終我哋想話畀人知,外表唔係咁重要嘅。李笑好由初初冇朋友到結識咗好多朋友,由初初冇自信心,到阿旺令到佢回復自信心,多咗同朋友溝通,一個人回復自信,個人都會靚啲。今次呢部劇畀我好大得着,部劇播完我當然唔捨得,其實當初拍完嗰陣,我已經好唔捨得㗎啦!」